بجلی چوروں کے خلاف گھیراتنگ ،حکومت نے کمیٹی تشکیل دے دی

کراچی: سندھ کی نگران حکومت نے اتوار کو بجلی چوری کے معاملات سے نمٹنے کے لیے کمیٹی تشکیل دے دی۔

حکومتی اعلان کے مطابق نگران  انتظامیہ نے مبینہ طور پر سیکرٹری داخلہ کی قیادت میں ایک صوبائی ٹاسک گروپ قائم کیا ہے۔

صوبائی کمیٹی میں سیکرٹری توانائی، پاور ڈویژن، کمشنرز، ڈی آئی جیز، ایس ایس پیز اور حیسکو اور سیپکو کے افسران شامل ہیں۔

سب سے اہم مرحلہ یہ ہے  کہ سندھ  پاور ڈویژن نے بجلی چوری پر قابو پانے کے لیے بجلی مافیا  کے خلاف ایک  مہم شروع کی ہے۔

بجلی ڈویژن کے مطابق آپریشن ان کرپٹ ملازمین کو نشانہ بنانے کے لیے بھی  شروع کیا گیا جو بجلی چوری میں ملوث افرد  کی مدد کر رہے تھے۔

ترجمان کے مطابق  اب تک 1914 بدعنوان افسران کے خلاف کارروائی کی گئی جن میں لیسکو کے 351 افسران، گیپکو کے 138 افسران، فیسکو کے 195 افسران، آئیسکو کے 219 افسران، میپکو کے 314 افسران اور پیسکو کے 299 افسران شامل ہیں۔