چین طالبان حکومت کے دوران افغانستان میں سفیر تعینات کرنیوالا پہلا ملک بن گیا

افغانستان میں طالبان عبوری حکومت کے قیام کے بعد چین نے افغانستان میں اپنا سفیر تعینات کر دیا۔

نائب ترجمان طالبان بلال کریمی کے مطابق چینی سفیر ژاؤ شینگ نے وزیراعظم ملاحسن اخوند کو اپنی سفارتی اسناد پیش کیں جو وزیراعظم نے قبول کر لیں۔

چین نے پاکستان کیلئے نیا سفیر نامزد کردیا

خبر ایجنسی کا کہنا ہے کہ چینی وزارت خارجہ نے خبر پر ابھی کوئی تبصرہ نہیں کیا ہے، 2019 میں تعینات ہونے والے چینی سفیر کی مدت گذشتہ ماہ ختم ہوئی تھی۔

افغانستان میں 2021 میں طالبان عبوری حکومت کے قیام کے بعد سے کسی ملک کے سفیر کی یہ پہلی تعیناتی ہے، طالبان کے برسراقتدار آنے کے بعد سے اب تک کسی ملک نے طالبان حکومت کو باضابطہ تسلیم نہیں کیا۔