سارہ قتل کیس: باپ، سوتیلی ماں، چچا برطانیہ پہنچتے ہی گرفتار

لندن: برطانوی پولیس نے برطانیہ پہنچتے ہی 10 سالہ سارہ شریف کے والد، سوتیلی ماں اور چچا کو قتل کیس میں گرفتار کرلیا۔

تفصیلات کے مطابق 10 سالہ سارہ کے قتل کے شبے میں گیٹ وِک ایئرپورٹ پر تین مشتبہ افراد کو گرفتار کر لیا گیا۔

10 سالہ بچی سارہ کے قتل کیس میں سرے پولیس کو مطلوب ملزمان بچی کے والد عرفان، سوتیلی ماں بینش اور چچا فیصل غیر ملکی ایئرلائن کی پرواز سے سیالکوٹ روانہ ہوئے۔

برطانوی پولیس سارہ شریف کی موت کے معاملے کی تحقیقات کر رہی ہے۔ لڑکی کی لاش 10 اگست کو سرے کے ایک گھر سے ملی تھی۔ اس کے والد عرفان، سوتیلی ماں بینش اور چچا فیصل پاکستان فرار ہو گئے تھے۔

واقعے کے بعد عرفان شریف اپنے دیگر 5 بچوں کو پاکستان لے آیا، جنہیں گزشتہ دنوں پولیس نے اپنی تحویل میں لے لیا تھا۔