نگران وزیر داخلہ کی زیر صدارت وفاقی کابینہ کی ذیلی کمیٹی کا اجلاس

وفاقی کابینہ کی ذیلی کمیٹی برائے ای سی ایل کے اجلاس میں مختلف محکموں اورایجنسیوں کی طرف سے بھیجے جانے والے17 افراد کے نام ای سی ایل میں ڈالنے اور 7مختلف نوعیت کےکیسز کو ای سی ایل سے نکالنے کی سفارش کی گئی ۔

جمعرات کو وزارت داخلہ سے جاری بیان کے مطابق اجلاس میں نگران وزیر داخلہ سرفراز احمد بگٹی اور نگران وزیر مواصلات و ریلویز شاہداشرف تارڑ جبکہ وزارت داخلہ ،وزارت قانون اور دیگر اداروں کے افسران نے شرکت کی۔

اجلاس میں ای سی ایل سے متعلق مختلف نوعیت کے کیسز کا جائزہ لیا گیا ۔ ذیلی کمیٹی نے مختلف محکموں اورایجنسیوں کی طرف سے بھیجے جانے والے17 افراد کے نام ای سی ایل میں ڈالنے اور 7مختلف نوعیت کےکیسز کو ای سی ایل سے نکالنے کی سفارش بھی کی ۔

اجلاس میں نظر ثانی کےلئے پیش کی گئی اپیلوں میں سے 5 افراد کے نام ای سی ایل سے نکالنے کی سفارش کی گئی۔ذیلی کمیٹی کی سفارشات حتمی منظوری کےلئے نگراں وفاقی کابینہ کو ارسال کی جائیں گی۔