ٹیکس اشرافیہ کی بجائے غریب آدمی پر لگائے گئے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید نے کہا ہے کہ ٹیکس اشرافیہ پر لگنا چاہیے تھا لیکن اس کے لٸے غریبوں کا انتخاب کیا گیا ہےاصل مسٸلہ یہ ہے کہ مڈل کلاس مر گٸی ہے لوگ اپنے بچوں کا پیٹ کیسے پالیں.

سماجی رابطے کی ویب سائٹ ایکس پر شیخ رشید کا کہنا تھا کہ غریب عوام پیٹرول کا خرچہ کیسے پورا کریں بجلی کا بل کیسے دیں اور دو وقت کی روٹی کیسے کھاٸیں، فاقہ اور مہنگائی جس گھر میں داخل ہوتی ہے یہ نہیں پوچھتی کہ آپ کی پارٹی کونسی ہے اب اس ملک میں اشرافیہ ہی اپنی مرضی کی زندگی گزار سکتی ہے غریب کو اندھے کنویں میں دھکا دے دیا گیاہے عوام کمائے گی کیا اور کھاۓ گی کیا اور بچوں کو پڑھاۓ گی کیا اور مکان کا کرایہ کیسے دے گی ۔

ٹیکس اشرافیہ پر لگنا چاہیے تھا لیکن اس کے لٸے غریبوں کا انتخاب کیا گیا ہےاصل مسٸلہ یہ ہے کہ مڈل کلاس مر گٸی ہے لوگ اپنے بچوں کا پیٹ کیسے پالیں پیٹرول کا خرچہ کیسے پورا کریں بجلی کا بل کیسے دیں اور دو وقت کی روٹی کیسے کھاٸیں فاقہ اور مہنگائی جس گھر میں داخل ہوتی ہے یہ نہیں…

— Sheikh Rashid Ahmed (@ShkhRasheed) September 17, 2023

انہوں نے کہا جب بجلی اور پیٹرول مہنگا ہوگا تو زرعی اور صنعتی انقلاب کیسے آئے گا، ستمبر کے آخری ہفتے سے غریب پر گیس کی ستمگیری بھی شروع ہو جاۓ گی کچھ فیصلے زمینی ہوتے ہیں اور کچھ فیصلے آسمانی ہوتے ہیں اور الیکشن سے پہلے آسمانی فیصلے بھی آ سکتے ہیں۔

سربراہ عوامی مسلم لیگ نے مزید کہا کہ عام آدمی کی بس ہو گٸی ہے اور گلی محلوں میں امن و امان کے مساٸل پیدا ہو چکے ہیں اور لوگ لوٹ مار کی طرف بڑھ رہے ہیں جو کہ انتہاٸی پریشان کن ہےالیکشن ہوتے ہیں کب ہوتے ہیں کیسے ہوتے ہیں یہ بعد کی بات ہے اب عام آدمی کی بقاء کا مسئلہ ہے