جنسی تشدد اور بچوں کی شادیوں بارے ذمہ دارانہ رپورٹنگ پر دس روزہ ورکشاپ اختتام پذیر

جنسی تشدد اور بچوں کی شادیوں پر ذمہ دارانہ رپورٹنگ اور نمائندگی پر قومی میڈیا فیلو شپ کی دس روزہ ورکشاپ ہفتہ کو کراچی میں اختتام پذیر ہوگئی. 

فیلو شپ ورکشاپ نیشنل کمیشن آن دی اسٹیٹس آف ویمن (این سی ایس ڈبلیو) کا فلیگ شپ میڈیا اقدام ہے اور اسے اقوام متحدہ کے پاپولیشن فنڈ  اور سینٹر فار ایکسیلنس ان جرنلزم کی حمایت حاصل ہے۔

ورکشاپ  میں ملک بھر سے صنفی امتیاز اور بچوں کی شادی کے مسائل پر رپورٹنگ کرنے والے 40 صحافیوں نے شرکت کی۔ فیلو شپ ورکشاپ میں ملک کے تمام صوبوں کی نمائندگی تھی۔ ان میں  انگریزی، اردو اور علاقائی میڈیا اور پرنٹ، ریڈیو، ٹی وی اور ڈیجیٹل پلیٹ فارم پر کام کرنے والے صحافی شامل تھے۔

فیلو شپ کے شرکا کو  صنفی امتیاز اور کم عمری  کی شادی کے مسائل کے بارے میں آگاہ کیا گیا اور ٹرینرز نے اس بات پر تبادلہ خیال کیا کہ کس طرح حساسیت اور ذمہ داری کے ساتھ ان موضوعات  کے حوالے سے  رپورٹنگ کی جانی چاہئے

ورکشاپ کے شرکاء کو موبائل جرنلزم، ڈیٹا جرنلزم اور ڈیجیٹل جرنلزم جیسی مہارتیں بھی سکھائی گئیں۔این سی ایس ڈبلیو نے 2022 میں صجفی امتیاز اور چائلڈ میرج پر پہلی نیشنل میڈیا فیلوشپ شروع کی جوکہ انتہائی  کامیابی  رہی اس فیلو شپ ورکشاپ کے شرکا نے  صنفی امتیاز کے بنا پر تشدد اور کم عمری کی شادی پر 162 سٹوریز تیار کی تھیں جن میں ڈاکومنٹریز بھی شامل تھی ۔یہ سٹوریز انٹرنیشنل اور نیشنل میڈیا سمیت مختلف پلیٹ فارمز پر شائع ہوئی تھیں۔