فرضی ریکروٹمنٹ ایجنسیوں کے جھانسے میں نہ آئیں،متحدہ عرب امارات

ابوظہبی: متحدہ عرب امارات میں ابوظہبی جوڈیشل ڈیپارٹمنٹ نے خبردار کیا ہے کہ ’رعایتی فیس کی ترغیب دے کر فیملی ویزوں کے اجرا کی پیشکش کر نے والے ریکروٹمنٹ کے فرضی ادارے کے جھانسے میں نہ آئیں۔ الامارات الیوم کے مطابق ابوظہبی کی عدالتوں میں متعدد مقامی شہریوں اور مقیم غیرملکیوں فرضی ریکروٹمنٹ ایجنسیوں سے انصاف دلانے کی درخواستوں کے بعدابوطبی جوڈیشل ڈیپارٹمنٹ نے کہا ہے کہ فرضی ریکروثٹنگ ایجنسیاں سوشل میڈیا پراشتہار دے کر مقامی شہریوں اور مقیم غیرملکیوں کو بے وقوف بنا رہی ہیں۔

انہوں نے کہا کہ وہ مختلف عنوانوں سے ابوظہبی کے شہریوں اورمقیم غیرملکیوں سے پیسے ہتھییا رہی ہیں اور تاثر یہ دیا جارہا ہے کہ وہ ریکارڈ وقت میں گھریلو عملہ معمولی فیس پر درآمد کرسکتی ہیں۔ یہ ایجنسیاں اشتہاری مہم میں غیرملکی کارکنان کے ویڈیو کلپ اور تصاویر بھی اپنے اشتہار میں منسلک کررہی ہیں جن سے یہ تاثر مل رہا ہے یہ وہ ورکر ہیں جو ان ریکروٹنگ ایجنسیوں کے توسط سے ابوظہبی پہنچے ہیں۔ جوڈیشل ڈیپارٹمنٹ کا کہنا ہے کئی افراد سوشل میڈیا پر اشتہار کے جھانسے میں آچکے ہیں۔

ناواقفیت اور معلومات نہ ہونے سے فرضی ریکروٹنگ ایجنسیوں سے رجوع کررہے ہیں۔ جوڈیشل ڈیپارٹمنٹ نے بیان میں کہا کہ’ بیرون ملک سے معاون عملہ حاصل کرنے کے خواہشمند رجسٹرڈ پرمٹ ہولڈر ایجنسیوں سے رابطہ کریں۔ فرضی ایجنسیوں کے چکر میں نہ پڑیں۔