اقوا م متحدہ یوکرین میں انسانی حقوق کی متعدد خلاف ورزیوں پر ردعمل کا اظہار کرے، رو س

اقوام متحدہ: روس نے اقوام متحدہ پر زور دیا ہے کہ وہ یوکرین میں انسانی حقوق کی متعدد خلاف ورزیوں پر ردعمل کا اظہار کرے۔

روسی خبررساں ادارے کے مطابق اقوام متحدہ کی انسانی حقوق کونسل کے 54ویں اجلاس میں شریک روس کے وفد نے اقوام متحدہ کے متعلقہ اداروں سے مطالبہ کیا کہ وہ یوکرین حکومت کی جانب سے انسانی حقوق اور آزادیوں کی بے شمار خلاف ورزیوں پر ردعمل ظاہر کریں۔

روسی وفد کے ایک رکن الیا بارمین نے کہا کہ ہم اقوام متحدہ کے ہائی کمشنر برائے انسانی حقوق، ان کے دفتر اور اقوام متحدہ کی انسانی حقوق کونسل کے متعلقین سے مطالبہ کرتے ہیں کہ وہ یوکرین حکام سے لاقانونیت اور خلاف ورزیوں کا جواب مانگیں۔