پاکستان نے حریف ازبکستان کو 2 کے مقابلے میں 18 گول سے شکست دے کر مسلسل فتوحات کی ہیٹرک بھی مکمل کرلی


چین کے شہر ہانگ ژو میں جاری 19ویں ایشین گیمز میں پاکستان ہاکی ٹیم نے اپنے فتوحات کے تسلسل کو برقراررکھتے ہوئے مسلسل تیسری فتح حاصل کرلی۔پاکستان ہاکی ٹیم نے پول اے کے اپنے تیسرے میچ میں انتہائی شاندار کارکردگی کا مظاہرہ کرتے ہوئے حریف ازبکستان کی ٹیم کو 2 کے مقابلے میں 18 گول سے ہرانے کے ساتھ ایشین گیمز مینز ہاکی ایونٹ میں مسلسل فتوحات کی ہیٹرک بھی مکمل کرلی۔
پاکستان نے یکطرفہ مقابلے کے بعد ازبکستان کو دو کے مقابلہ میں اٹھارہ گول سے شکست دیدی۔جمعرات کو چین کے شہر ہانگ زو کے گونگ زو کینال سپورٹس پارک سٹیڈیم میں کھیلے گئے پول اے کے اہم میچ میں پاکستان اور ازبکستان کی ٹیمیں آمنے سامنے تھیں جس میں پاکستان کی ٹیم نے انتہائی شاندار کھیل پیش کرتے ہوئے ازبکستان کی ٹیم کو بالکل بے بس کر دیا۔
پاکستان کی طرف سے احمد ارباز نے عمدہ کھیل پیش کرتے ہوئے پانچ گول سکور کئے، افراز اور رانا عبدل نے تین، تین گول سکور کئے ، عمر بھٹہ اور عبد الرحیم نے دو، دو گول جبکہ لیاقت ارشاد ،رومن اور محمد خان نے ایک ایک گول کر کے اپنی ٹیم کی فتح میں اہم کردار ادا کیا۔ ازبکستان کی طرف سے اوبلوکولوف جونی بیک اور خودوینزاروف بنیود بیک نے ایک ایک گول کیا۔
ایشین گیمز ہاکی مقابلوں میں 12 ٹیمیں شرکت کررہی ہیں، ٹیموں کو دو پول میں تقسیم کیا گیا ہے، پاکستان سمیت انڈیا، جاپان، بنگلہ دیش، سنگا پور اور ازبکستان کی ٹیمیں پول اے میں شامل ہیں جبکہ کوریا ، ملائشیا، چائینہ، اومان، تھائی لینڈ اور انڈونیشیا کی ٹیمیں پول بی میں شامل ہیں۔
پاکستان ہاکی ٹیم اپنے پول میں تین میچوں میں مجموعی طور پر 34 گول سکور کرچکی ہے۔واضح رہے کہ پاکستان کی ٹیم پول اے میں اپنا چوتھا میچ 30 ستمبر کو روایتی حریف بھارت کے خلاف کھیلے گی جبکہ پانچواں اور آخری پول میچ 2 اکتوبر کو جاپان کے خلاف کھیلے گی۔

سوات واقعے کی انکوائری چل رہی ہے، جہاں جہاں غفلت پائی گئی کارروائی کریں گے،علی امین
- 2 hours ago

پنجاب میں وزراء کی تنخواہ میں اضافے کے بعد لیو الاؤنس بھی بڑھانے کا فیصلہ
- 2 hours ago

پرتگال کے معروف فاورڈ فٹ بالر ڈیوگو جوٹا کار حادثے میں جاں بحق
- an hour ago

معیشت میں شفافیت لانے کے لیے ڈیجیٹل ٹرانزیکشن سسٹم ناگزیر ہے،وزیراعظم
- 2 hours ago

ایران اسرائیل کے درمیان سیز فائرکے پیچھے بھی وردی ہے ، وزیر داخلہ
- an hour ago

اسلام آبادمیں موٹر سائیکل پر سوار دونوں افراد کیلئے ہیلمٹ لازمی قرار دینے کا فیصلہ
- 4 hours ago

وزیر اعظم پاکستان کو پولیو فری بنانے اور ہر بچے کو موذی مرض سے بچانے کے لیے پُرعزم
- 25 minutes ago

اسلام آباد: موٹر سائیکل سوار دونوں افراد کیلئے ہیلمٹ لازمی قرار دینے کا فیصلہ
- 15 minutes ago

محرم الحرام کے دوران سندھ میں 49 ہزار سے زائد پولیس اہلکار تعینات ہوں گے، شرجیل میمن
- 43 minutes ago

چیئرمین جوائنٹ چیفس آف اسٹاف کمیٹی سے جنوبی افریقہ کے ایئر چیف کی ملاقات
- 2 hours ago

نامور فوک گلوکار اور پنجاب دھرتی کی آواز عالم لوہار کی چھیالیسویں برسی آج منائی جا رہی ہے
- 2 hours ago

کویت کا ویزا عمل کو آسان اور تیز بنانے کے لیے جدید الیکٹرانک نظام متعارف
- 2 hours ago