کورونا وائرس کے پیش نظر گوگل نے بھی ماسک پہن لیا

تفصیلات کے مطابق اس بار گوگل نے دنیا بھر کو اپنی لپیٹ میں لینے والے کورونا وائرس کے پھیلاؤ سے بچاؤ سے متعلق انٹرنیٹ صارفین میں شعور اجارگر کرنے کے لیے اپنے ڈوڈل کو ماسک پہنا دیا ہے۔

دنیا کے معروف ترین سرچ انجن گوگل کی جانب سے عالمی وبا کورونا وائرس سے بچاؤ کے لیے ایس او پیز پر عمل درآمد کرنے اور ماسک پہننے پر زور دیتے ہوئے اپنے ڈوڈل کو ماسک پہنا دیا گیا ہے۔

آج کے گوگل ڈوڈل کو دیکھا جا سکتا ہے گوگل کے ایلفابیٹس نے ماسک پہنا ہوا ہے۔

اس ڈوڈل کو اگر کلک کیا جائے تو گوگل کی جانب سے کورونا وائرس سے بچاؤ کے لیے مزید ہدایات دی گئی ہیں جس میں ’ماسک پہننا، ہاتھ دھونا اور سماجی فاصلہ‘ اختیار کرنے پر زور دیا گیا ہے۔