حکومت نے پیٹرولیم مصنوعات کی قیمتوں میں کمی کا اعلان کر دیا

اسلام آباد : پیٹرولیم مصنوعات کی قیمتوں میں کمی کا اعلان کر دیا گیا ، اوگرا نے پیٹرولیم مصنوعات میں کمی کا نوٹیفکیشن جاری کر دیا ۔

نوٹیفکیشن کے مطابق  پیٹرول کی فی لیٹر قیمت میں 8 روپے کمی کی گئی ہے، پیٹرول کی نئی قیمت 323 روپے38 پیسے فی لیٹر مقرر کی گئی ہے۔

ڈیزل کی قیمت میں 11 روپے فی لیٹر کمی کی گئی ہے، ہائی اسپیڈ ڈیزل کی نئی قیمت 318 روپے18 پیسے فی لیٹر مقرر کی گئی ہے۔