پاکستان کا آذربائیجان کی علاقائی سالمیت کی حمایت کا اعادہ

اسلام آباد: نگراں وزیر منصوبہ بندی برائے ترقیاتی خصوصی اقدامات محمد سمیع سعید نے آذربائیجان کی علاقائی سالمیت اور خودمختاری کے لیے پاکستان کی حمایت کا اعادہ کیا۔

 آذربائیجان نیشنل اربن فورم میں شرکت کے بعد میڈیا سے گفتگو کرتے ہوئے انہوں نے دونوں ممالک کے درمیان دیرینہ اقتصادی تعاون اور دوستی کی اہمیت کو اجاگر کیا۔

وفاقی وزیر نے کہا کہ حکومت پاکستان اور اس کے عوام آذربائیجان کی علاقائی سالمیت اور خودمختاری کی مکمل حمایت کرتے ہیں اور آذربائیجان کے ساتھ یکجہتی کا اظہار کرتے ہیں۔ 

وزیر منصوبہ بندی نے ایک کامیاب دوسرے قومی شہری فورم کے انعقاد پر آذربائیجان کی حکومت کی تعریف کی جو معاشی ترقی اور عدم مساوات سے لڑنے کی محرک قوت کے طور پر لچکدار شہروں کے تھیم کے ساتھ تباہ شدہ شہروں کی تعمیر نو میں اہم کردار ادا کرتا ہے۔

انہوں نے پاکستان اور آذربائیجان تعلقات کے مثبت تعلقات  اور تجارت، رابطے، توانائی، سیاحت اور انفارمیشن ٹیکنالوجی جیسے مختلف شعبوں پر توجہ مرکوز کرتے ہوئے تعلقات کو مزید مضبوط بنانے کے عزم کا اعادہ کیا۔