سابق ٹیسٹ کرکٹر عبدالرزاق نے کورونا کو شکست دے دی

تفصیلات کے مطابق سابق ٹیسٹ کرکٹر،آل راؤنڈر عبدالرزاق  کے کورونا وائرس ٹیسٹ کی رپورٹ منفی آ گئی ہے،  عبدالرزاق دو ہفتے قبل کورونا وائرس کا شکار ہوئے تھے ۔ اس حوالے سے سابق ٹیسٹ کرکٹر عبدالرزاق کاکہنا تھا  کہ  میں ابھی بھی بہت کمزوری محسوس کر رہا ہوں ، کچھ روز تک دوسرا ٹیسٹ کراؤں گا۔ انہوں نے مزید کہا کہ کورونا وائرس کا شکار ہونے پر قرنطینہ کر لیا تھا۔ انہوں نے کہا کہ  کورونا وائرس حقیقت ہے احتیاط لازمی کریں، لوگوں سے ایپل کرتے ہوئے ان کاکہنا تھا کہ   ماسک پہنیں سماجی فاصلہ اختیار کریں۔

سابق آل راؤنڈرعبد الرزاق نے 46 ٹیسٹ، 265 ون ڈے اور 32 ٹی 20 میں پاکستان کی نمائندگی کی ہے۔ عبد الرزاق پی ایس ایل میں کوئٹہ گلیڈییٹر کے باؤلنگ کوچ بھی رہے ہیں ۔

واضح رہےکہ ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید78افراد چل بسے ۔ ملک میں  اموات کی مجموعی تعداد18 ہزار993ہوگئی ہے،جبکہ  متاثرہ افراد کی مجموعی تعداد 8 لاکھ 61ہزار 473ہو گئی ہے ۔