ورلڈ کپ2023، سری لنکا کا پاکستان کو جیت کےلئے 345 رنز کا ہدف

انٹرنیشنل کرکٹ کونسل (آئی سی سی) ون ڈے ورلڈکپ میں سری لنکا نے پاکستان کو 345 رنز کا پہاڑ جیسا ہدف دے دیا۔

سری لنکا اور پاکستان کے خلاف حیدرآباد کے راجیو گاندھی اسٹیڈیم میں کھیلا جارہا ہے۔ قومی ٹیم اپنی دوسری جبکہ سری لنکا پہلی جیت حاصل کرنے کیلئے میدان میں اترا ہے۔ سری لنکا نے ٹاس جیت کر پہلے بیٹنگ کا فیصلہ کیا ۔

پاکستان کے فاسٹ باولر حسن علی نے دوسرے اوور میں ہی پاکستان کو بڑی وکٹ حاصل کر لی، سری لنکا کے اوپننگ بلے باز کسال پریرا 6 رنز بنا کر حسن علی کی گیند پر آؤٹ ہو گئے۔

4️⃣ wickets in the innings for @RealHa55an as Sri Lanka finish at 344-9 ?

We'll be back with the chase soon ?#PAKvSL | #DattKePakistani | #WeHaveWeWill pic.twitter.com/Zne7DVqbgB

— Pakistan Cricket (@TheRealPCB) October 10, 2023

سری لنکا کے اوپننگ بلے باز پاتھم نسانکا نے 59 گیندوں پر شاندار نصف سنچری بنائی۔ شاداب خان نے اپنے دوسرے اوور کی دوسری گیند پر پارٹنر شپ توڑ کر پاتھم نسانکا کو پویلین کا راستہ دکھایا۔

سری لنکا کی جانب سے کسال پریرا نے 77 گیندوں پر 122 جب کہ سدیرا نے 88 گیندوں پر 108 رنز کی اننگز کھیلی۔ پاکستان کی جانب سے حسن علی نے چار وکٹیں حاصل کیں۔

خیال رہے کہ پاکستان کی طرف سے پلیئنگ الیون میں ایک تبدیلی کی گئی ہے، اوپننگ بلے باز فخر زمان کی جگہ عبد اللہ شفیق کو موقع دیا گیا ہے۔