پولیس کی ایک ٹیم جائے وقوعہ پر پہنچ کر علاقے میں امن و امان قائم کرنے اور ملزمان کی تلاش میں مصروف ہے


خیبر پختونخوا کے ضلع بنوں میں مسلح حملہ آوروں نے ایک جرگے پر فائرنگ کر کے ایک شخص کو ہلاک اور تین دیگر کو زخمی کر دیا۔
بنوں پولیس کے ترجمان کاشف نواز نے بتایا کہ سردی خیل برادری کی جانب سے منڈی خیل کے علاقے میں منعقدہ جرگے پر عسکریت پسندوں نے حملہ کیا۔ حملہ آوروں نے رہنما ملک عید نواز سردی خیل کو اغوا کرنے کی کوشش کی، جس کے باعث جرگے کے شرکا کے ساتھ شدید جھڑپیں ہوئیں۔
کاشف نواز کے مطابق، مسلح افراد کی فائرنگ سے ایک شخص موقع پر جاں بحق ہو گیا جبکہ زخمیوں میں ایک پولیس کانسٹیبل بھی شامل ہے۔ زخمیوں کو فوری طور پر ڈسٹرکٹ ہیڈ کوارٹر ہسپتال بنوں منتقل کر دیا گیا ہے۔
پولیس کی ایک ٹیم جائے وقوعہ پر پہنچ کر علاقے میں امن و امان قائم کرنے اور ملزمان کی تلاش میں مصروف ہے۔
واضح رہے کہ کالعدم تحریک طالبان پاکستان (ٹی ٹی پی) کی جانب سے نومبر 2022 میں جنگ بندی ختم کرنے کے بعد خیبرپختونخوا اور بلوچستان میں دہشت گردی کی وارداتوں میں اضافہ ہوا ہے۔
بنوں میں گزشتہ چند ماہ کے دوران عسکریت پسندوں کی جانب سے متعدد حملے کیے جا چکے ہیں۔ مارچ میں سیکیورٹی فورسز نے بنوں چھاؤنی پر ہونے والے فتنہ الخوارج کے حملے کو ناکام بناتے ہوئے 16 دہشت گردوں کو ہلاک کیا، تاہم اس جھڑپ میں 5 جوان شہید اور 13 شہری جاں بحق ہوئے، جب کہ 32 زخمی ہوئے تھے۔
گزشتہ سال جولائی میں بنوں چھاؤنی پر دہشت گرد حملے میں سیکیورٹی اہلکاروں کے 8 شہید ہونے کے علاوہ جوابی کارروائی میں 10 دہشت گرد مارے گئے تھے۔
اسلام آباد میں قائم پاکستان انسٹی ٹیوٹ فار کانفلیکٹ اینڈ سیکیورٹی اسٹڈیز کے مطابق، جون کے دوران عسکریت پسندوں کے حملوں میں مجموعی طور پر کمی دیکھی گئی ہے، حالانکہ کئی حملے بدستور جاری ہیں۔

پنجاب کے مختلف شہروں میں جاری موسلا دھا ر بارش سے سیلاب متاثرین کی مشکلات میں اضافہ
- 2 گھنٹے قبل

پنجاب میں سیلاب سے متاثرہ افراد کی تعداد 20 لاکھ تک پہنچ گئی، ڈی جی پی ڈی ایم اے
- ایک گھنٹہ قبل

مودی سرکار کی ناقص سفارتی پالیسیوں سے بھارت عالمی سطح پر سفارتی تنہائی کا شکار
- 11 منٹ قبل

دریائے ستلج میں وہاڑی کے مقام پر درمیانے درجے کا سیلاب برقرار
- 2 گھنٹے قبل
سیلاب متاثرہ خواتین اور بچوں کو ریلیف کیمپوں میں سنگین مسائل کا سامنا
- 12 گھنٹے قبل

امریکا کا یوکرین کو جدید فضائی دفاعی نظام دینے کا فیصلہ
- 15 گھنٹے قبل

پشاور اور ملحقہ علاقوں میں اربن فلڈنگ کی صورتحال، پی ڈی ایم اے کا ریسکیو آپریشن جاری
- 14 گھنٹے قبل

پاکستان کی ٹرائی نیشن سیریز میں مسلسل دوسری فتح، یو اے ای کو 31 رنز سے شکست
- 12 گھنٹے قبل

پاکستانی آل راؤنڈر شاداب خان کے ہاں پہلے بچے کی پیدائش
- 2 گھنٹے قبل

لاہور: بھارتی دہشت گرد عثمان عرف عبدالرحمٰن کو 20 سال قید کی سزا
- 15 گھنٹے قبل

مریم نواز کا سیلاب سے متاثرہ اضلاع کے لیے انتظامیہ کو بروقت اقدامات کی ہدایت
- 15 گھنٹے قبل

اسرائیلی فوج کا حماس ترجمان ابو عبیدہ کو نشانہ بنانے کا دعویٰ، حملے میں مزید 77 فلسطینی شہید
- 2 گھنٹے قبل