دنانیر مبین نے سلام عاجزانہ پڑھ کر مداحوں کے دل جیت لیے

تفصیلات کے مطابق سوشل میڈیا اسٹار دنانیرمبین نے فوٹو اینڈ ویڈیو شئیرنگ ایپ  انسٹاگرام پر ویڈیو شیئر کی ہے  جس میں وہ گلوکار عاطف اسلام کی جانب سے جاری کیے گئے کلام 'مصطفیٰ جان رحمت پہ لاکھوں سلام‘ پڑھ رہی ہیں۔دنانیر کے سلام پڑھنے کی ویڈیو کو پرستاروں  کی جانب سے بھرپور سراہا جارہا ہے ۔ دنانیر نے  کلام کی ویڈیو شیئر کرتے ہوئے عاطف اسلم کو بھی پوسٹ میں مینشن کیا اور ساتھ ہی لکھا کہ وہ لیلۃ القدر کی مقدس رات میں عاجزانہ کلام پڑھنے کی کوشش کر رہی ہیں اور اگر اس دوران ان سے کوئی غلطی ہوجائے تو اسے معاف کردیا جائے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Dananeer | ??? (@dananeerr)

انسٹاگرام پوسٹ پر نہ صرف  سوشل میڈیا صارفین بلکہ شوبز سے تعلق رکھنے والے فنکاروں   نے  بھی  دنانیر  خوبصورت آواز کو دل کھول کر داد دی ہے ۔ جبکہ ایک منٹ 4 سیکنڈ پر مشتمل ویڈیو کو گزشتہ 24گھنٹوں کے دوران 4لاکھ سے زائد مرتبہ دیکھا جاچکا ہے۔دنانیر مبین نے رواں برس 6 فروری کو انسٹاگرام پر ایک  ویڈیو شیئر کی تھی، جسے نہ صرف پاکستان بلکہ پوری دنیا میں پذیرائی ملی تھی۔مذکورہ مختصر ویڈیو کے بعد دنانیر مبین کے سوشل میڈیا پر فالوورز کی تعداد بھی بڑھ کر 14 لاکھ تک ہوگئی تھی۔

واضح رہے کہ نامورگلوکار عاطف اسلم نے گزشتہ ماہ  رمضان المبارک کی مناسبت سے نبی آخری الزماںﷺ کو درود و سلام پیش کرتا کلام ’سلامِ عاجزانہ‘ ریلیز کیا تھا جو ریلیز ہوتے ہی مقبول ہوگیا تھا۔کلام میں عاطف اسلم کے ہمراہ علی پرویز، نعمان جاوید، علی پرویز مہدی، احسان پرویز مہدی اور کمیل جعفری نے اپنی آواز کا جادو جگایا ہے۔