صدر مملکت کانگراں وزیراعظم، وزرا ، سینیٹرز، صدر و وزیر اعظم آزاد جموں و کشمیر ، چاروں صوبوں کے گورنرز اور وزرا ء اعلی کو خط

صدر مملکت ڈاکٹر عارف علوی نے نگراں وزیراعظم، وزرا ، سینیٹرز، صدر و وزیر اعظم آزاد جموں و کشمیر ، چاروں صوبوں کے گورنرز اور وزرا اعلی کو خط ارسال کیا ہے جس میں چھاتی کے کینسر پر آگاہی کیلئے تعاون اور اکتوبر میں گلابی ربن پہننے کی درخواست کی ہے۔

صدر مملکت ڈاکٹر عارف علوی کا نگران وزیر اعظم، وزراء ، سینیٹرز، صدر و وزیر اعظم آزاد جموں و کشمیر کے نام خط

صدر مملکت کا چاروں صوبوں کے گورنرز ، نگران وزرائے اعلیٰ اور گورنر و وزیر اعلیٰ گلگت بلتستان کو بھی خط pic.twitter.com/PqpAroF5Hs

— The President of Pakistan (@PresOfPakistan) October 11, 2023

خط میں صدر مملکت ڈاکٹر عارف علوی نے کہا کہ چھاتی کے کینسر پر آگاہی پیدا کرنے میں آپ کا تعاون خاطر خواہ اثر ڈال سکتا ہے ، پاکستان میں چھاتی کے کینسر کے باعث ہر سال 40 ہزار اموات ہوتی ہیں،پاکستان میں چھاتی کے کینسر کے باعث اموات کی شرح ایشیا بھر میں سب سے زیادہ ہے ۔ انہوں نےکہا کہ زیادہ شرح اموات کی وجہ مرض کی دیر سے تشخیص ہونا ہے ، اپنا معائنہ خود کرنے بارے آگاہی سے کئی جانیں بچائی جاسکتی ہیں

اکتوبر کا مہینہ ہر سال چھاتی کے کینسر بارے آگاہی پیدا کرنے کیلئے منایا جاتا ہے ،اس مہینے بریسٹ کینسر پر آگاہی پیدا کرکے ہم ایک صحت مند اور باخبر معاشرے کی تشکیل میں اپنا کردار ادا کر سکتے ہیں