ایم کیو ایم کا فلسطینیوں پر ہونے والے مظالم کے خلاف ریلی نکالنے کا اعلان

کراچی : کراچی میں ایم کیو ایم نے  فیسطینیوں سے اظہار یکجہتی کے لیے ریلی نکالنے کا اعلان کر دیا ۔

تفصیلات کے مطابق ایم کیوایم کے رہنما مصطفی کمال نے شاہراہ فیصل پر فلسطینیوں پر ہونے والے مظالم کے خلاف ریلی نکالنے کا اعلان کیا ۔

ایم کیو ایم کےرہنما مصطفی کمال  نے کہا کہ ہم پاکستان میں فرقہ واریت پر یقین نہیں رکھتے ، انہوں نے کہا کہ ہم مختلف فرقہ سے تعلق رکھنے والے افراد کے پاس گئے اور انہیں ریلی میں شرکت کا دعوت نامہ پیش کیا ۔

فلسطینیوں سے اظہار یکجہتی کیلئے ایم کیو ایم کا ریلی کا اعلان#GNN #NewsUpdates #BrekingNews #GNN_Updates pic.twitter.com/ACVzrwg80Q

— GNN (@gnnhdofficial) October 19, 2023

انہوں نے کہا کہ کوئی بھی جھنڈا کسی خاص جماعت کی نمائندگی نہیں کرے گا ہم صرف اور صرف اپنے فلسطینی بھائیوں کے لیے احتجاج کو نکلیں گے کسی سے کوئی اختلاف نہیں کیا جائے گا ۔

انہوں نے نواز شریف کی وطن واپسی پر نیک خواہشات کا اظہار بھی کیا ، انہوں نے کہا کہ سیاست اور اختلافات سے ہٹ کر اپنے فلسطینی بھائیوں کےساتھ ہیں ۔