مسلم لیگ ن کے مینار پاکستان جلسے کے بعد گراؤنڈ میں گندگی اور کوڑا کرکٹ کے ڈھیر لگ گئے

مسلم لیگ ن کے مینار پاکستان جلسے کے بعد گراؤنڈ میں گندگی اور کوڑا کرکٹ کے ڈھیر لگ گئے۔

گراؤنڈ میں بوتلیں، کاغذ، پارٹی پرچم کی جھنڈیا اور بریانی کے ہالی ڈبے بکھرے پڑے ہیں۔ انتظامیہ کی جانب سے کنٹینر، کرسیاں اور ٹینٹ ہٹانے کا کام جاری ہے۔

مسلم لیگ ن کے کارکنوں نے گریٹر اقبال پارک میں املاک کو بھی نقصان پہنچایا۔ قیمتی پودوں اور درختوں کو بھی نقصان پہنچایا، اگر اس نقصان کا تخمینہ لگایا جائے تو لاکھوں میں ہو گا۔

تاریخی مقام کا رخ کرنے والے شہری گندگی اور سیر و تفریح نہ ہونے پر انتظامیہ کو کوسنے لگے۔ گراونڈ میں جگہ جگہ کوڑا کرکٹ سے تعفن اٹھنے لگا، گندگی کے ڈھیر سے تاریخی مقام کا حُسن تباہ ہوگیا۔

مینار کا رُخ کرنے والے شہری گندگی سے پریشان ہوگئے، انہوں نے کہا کہ تاریخی جگہ پر گندی اور کوڑا کرکٹ کے ڈھیر ہیں، سیر و تفریح کا مزہ کرکرا ہو گیا۔