موسم خوشگوار ہونےکے باعث سیاحوں کاپہاڑی علاقوں کا رخ

سوات : وادی سوات میں موسم سرما کی پہلی بارش اور برفباری سے موسم کافی خوشگوار ہو گیا ہے ۔

تفصیلات کے مطابق موسم خوشگوار ہو نے کے باعث سیاحوں نے وادی سوات کا رخ کرلیا ہے ، وادی سوات میں بارش اور برفباری کے بعد سیاحوں کی آمد کا سلسلہ جاری ہے ۔

گزشتہ تین دنوں سے وادی سوات کے علاقہ مالم جبہ اور منڈ داد میں بارش سے پہاڑوں سے سفید چادر اوڑھ لی ہے جبکہ بار ش بھی وقفے وقفے سے جاری ہے ۔

سردی کی شدت میں بتدریج پہلے کی نسبت کا فی اضافہ ریکارڈ کیا گیا ہے ،وادی سوات میں کم سے کم درجہ حرارت 15  ڈگری جبکہ زیادہ سے زیادہ 25 ڈگری سینٹی گریڈ ریکارڈ کیا گیا ہے ۔

محکمہ موسمیات کے مطابق آئندہ 24 گھنٹوں کے دوران وادی سوات کے میدانی و پہاڑی علاقوں میں موسم خوشگوار رہے گا ۔