پی سی بی کی ورلڈ کپ کے لیے گئی کرکٹ ٹیم میں اختلافات کی تردید

پاکستان کرکٹ بورڈ نے ورلڈ کپ کے لیے گئی منز کرکٹ ٹیم میں اختلافات کی تردید کردی۔

سماجی رابطے کی ویب سائٹ ایکس پر پی سی بی کی جانب سے جاری بیان میں ان خبروں کی سختی سے تردید کی گئی ہے کہ آئی سی سی ورلڈ کپ میں حصہ لینے والی پاکستانی کرکٹ ٹیم اندرونی اختلافات کا شکار ہے۔

PCB statement ⤵️ pic.twitter.com/qo8mFoVqq1

— PCB Media (@TheRealPCBMedia) October 23, 2023

بیان میں مزید کہا گیا ہے کہ میڈیا کے کچھ حصے میں پھیلائی جانے والی افواہوں کے ضمن میں پی سی بی نے پر روز انداز میں اس بات کا یقین دلایا ہے کہ پاکستان کرکٹ ٹیم میں مکمل ہم آہنگی ہے۔ایسے کوئی شواہد موجود نہیں جن سے ٹیم میں اختلافات کے بے بنیاد دعوؤں کو تقویت ملے۔

پی سی بی نے اس طرح کی جھوٹی خبروں پر مایوسی کا اظہار کرتے ہوئے کہا ہے کہ الزامات پھیلانے سے قبل یہ یاد رکھنا ضروری ہے کہ صحافتی اخلاقیات اور ذمہ داری انتہائی اہم ہیں۔