آرمی چیف سےامریکی ناظم الامورکی ملاقات، باہمی دلچسپی ،علاقائی سکیورٹی پر تبادلہ خیال

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق آرمی چیف جنرل قمر جاوید باجوہ سےامریکی ناظم الامورکی ملاقات ہوئی ہے۔جس میں  باہمی دلچسپی ،علاقائی سکیورٹی اور مختلف شعبوں میں تعاون پر تبادلہ خیال کیا گیا ہے۔

آئی ایس پی آر کے مطابق  انسداد کوروناکیلئے کئے جانیوالے اقدامات پر بھی گفتگو ہوئی ،اس ملاقات میں افغان امن عمل میں حالیہ پیشرفت پر بھی تبادلہ خیال کیا گیا ہے۔

آرمی چیف جنرل قمر جاوید باجوہ نے کہا  کہ  پاکستان نے مخلصانہ طورپرافغان امن عمل کی حمایت کی ہے، پاکستان نے پورے خلوص نیت سے افغان امن عمل میں تعاون فراہم کیا، خوشحال، مستحکم اور پرامن افغانستان خطےخصوصاًپاکستان کے مفاد میں ہے،مستقبل میں تمام شعبوں میں وسیع تر پاک امریکا دوطرفہ تعاون کیلئےپرامید ہیں۔

معز زمہمان نے خطے کے امن واستحکام کیلئےپاکستان کی کاوشوں کوسراہا ہے۔

امریکی ناظم الامور  نے کہا کہ پاکستان کی مسلسل علاقائی امن و استحکام کیلئے کلیدی کاوشیں قابل قدر ہیں۔امریکی ناظم الامور نے دونوں ممالک کے درمیان باہمی تعلقات کو مزید بڑھانے کااعادہ کیا۔