تمام غیر ملکیوں کی وطن واپسی کی تاریخ پر کوئی سمجھوتہ نہیں کیا جائے گا،سرفراز بگٹی

نگران وزیر داخلہ سرفراز احمد بگٹی نے کہا ہے کہ پاکستان میں غیر قانونی طورپر مقیم افغانوں اور دوسرے تمام غیر ملکیوں کی رضا کارانہ وطن واپسی کیلئے دی گئی حتمی مہلت پر کوئی سمجھوتہ نہیں کیا جائے گا۔

انہوں نے آج اسلام آباد میں ایک نیوز کانفرنس سے خطاب کرتے ہوئے کہا کہ حکومت نے غیرقانونی مقیم ان غیر ملکیوں کی واپسی کے لئے جامع منصوبے کو حتمی شکل دے دی ہے۔

پاکستان میں غیرقانونی طور پر مقیم تمام غیر ملکی شہریوں کو 31 اکتوبر تک ملک چھوڑنے کا حکم دیا گیا ہے اور یکم نومبر سے ایسے افراد کی املاک ضبط کر لی جائیں گی۔ حکومت کا کہنا ہے کہ یہ فیصلہ پاکستان میں بڑھتی ہوئی دہشت گردی کے پس منظر میں کیا گیا ہے۔