ملک میں اس وقت جو ہو رہا ہے وہ لندن معاہدے کے تحت ہو رہا ہے، حلیمہ خان

 چیئرمین تحریک انصاف عمران خان کی ہمشیرہ علیمہ خان نے کہا ہے کہ ملک میں اس وقت جو ہو رہا ہے وہ لندن معاہدے کے تحت ہو رہا ہے جس کا عدالتیں بھی ساتھ دے رہی ہیں، عوام عدالتوں سے انصاف کی کوئی امید نہ رکھے۔

علیمہ خان کا کہنا ہے پاکستان میں کوئی عدالت نہیں جو عمران خان کو انصاف دے سکے۔ ہم اپنے بھائی کے ساتھ کھڑے ہیں، اکیلا نہیں چھوڑیں گے۔ ہونا تو یہ چاہئے کہ ہم بھی جا کر جیل میں بیٹھ جائیں یہاں تو ہمارا کام ختم ہو گیا۔

حفیظ اللہ نیازی سے ہمارا کوئی تعلق نہیں ہے، انکی کسی سے کوئی بھی ملاقات کا خاندان یا پارٹی سے کوئی تعلق نہیں۔ عمران خان کا کہنا ہے کہ یہ سب لندن پلان نہیں بلکہ لندن معاہدے کا حصہ ہے۔ علیمہ خان کی میڈیا سے گفتگو pic.twitter.com/ImTC7O7AzF

— PTI (@PTIofficial) October 27, 2023

علیمہ خان نے کہا کہ عمران خان ہی تحریک انصاف کے لیڈر ہیں چاہے وہ جیل میں ہی کیوں نہ ہوں۔ چیئرمین پی ٹی آئی نے 24 اکتوبر کو جو ہمیں جیل میں کہا وہ سچ ثابت ہو رہا ہے۔ عمران خان نے کہا کہ یہ لندن کا پلان نہیں بلکہ لندن میں معاہدہ ہوا تھا۔

اس معاہدے کا ایک حصہ یہ ہے کہ عمران خان کو الیکشن تک جیل سے باہر نہیں آنے دیا جائے، چیئرمین پی ٹی آئی نےانکشاف کیا کہ معاہدے کے تحت شاید الیکشن کے بعد بھی مجھے باہر نہ آنے دیا جائے۔

علیمہ خان کا مزید کہنا تھا کہ میرا خیال ہے ہمیں عدالتوں سے کوئی امید نہیں رکھنی چاہئے، وکلا اپنی کوششیں جاری رکھیں گے لیکن عوام کو عدالتوں سے انصاف کی کوئی امید نہیں رکھنی چاہئے۔

انہوں نے مزید کہا کہ حفیظ اللہ نیازی سے ہمارا کوئی تعلق نہیں ہے، انکی کسی سے کوئی بھی ملاقات کا خاندان یا پارٹی سے کوئی تعلق نہیں۔