ورلڈ کپ 2023، پاکستان کا جنوبی افریقہ کو جیت کیلئے 271 رنز کا ہدف

ورلڈ کپ 2023، پاکستان نے جنوبی افریقہ کو جیت کیلئے 271 رنز کا ہدف دے دیا۔

پاکستان کی جانب سے اننگز کا آغاز اوپننگ بیٹسمین عبد اللہ شفیق اور امام الحق نے کیا لیکن ایک بار پھر اوپننگ جوڑی پاکستان کو شاندار آغاز فراہم نہ کرسکی۔عبد اللہ شفیق جنوبی افریقی کرکٹر مارکو جینسن کی گیند پر 17 گیندوں پر 9 رنز بنا کر پویلین لوٹ گئے ، اس کے بعد پاکستان کی اگلی وکٹ بھی مارکو جینسن نے لی،  امام الحق 18 گیندوں پر 12 رنز بنا کر کیچ دے بیٹھے۔

Fluent half-centuries from @saudshak and @babarazam258 plus an important contribution from @76Shadabkhan sees Pakistan post 270 ?#PAKvSA | #CWC23 | #DattKePakistani pic.twitter.com/9Zo3sgSC5C

— Pakistan Cricket (@TheRealPCB) October 27, 2023

اوپنرز کے جلد آؤٹ ہونے کے بعد وکٹ کیپر بلے باز محمد رضوان27 گیندوں پر 31 رنز بنا کر پویلین لوٹ گئے، رضوان کے بعد نئے آنے والے بلے باز افتخار احمد نے جارحانہ انداز تو اپنایا مگر وہ زیادہ دیر تک نہ چل سکا اور مڈل آرڈر بیٹر 21 رنز بنا کر چلتے بنے جس کے بعد قومی ٹیم کو اگلا نقصان بابر اعظم کی صورت میں اٹھانا پڑا، قومی کپتان 65 گیندوں پر 50 رنز بنا کر آؤٹ ہوئے۔

پاکستان کی پوری ٹیم 46.4  اوورز میں 270 رنز پر آؤٹ ہوگئی، بابر اعظم 50 اور سعود شکیل 52 رنز بناکر نمایاں رہے۔