استحکام پاکستان پارٹی کا جہانیاں میں پاور شو

جلسہ گاہ میں واک تھروگیٹ نصب کر دیئے گئے، جلسےکی سیکیورٹی کے سخت انتظامات،700 اہلکار تعینات کیےگئے ہیں ۔ بہاولپور،لودھراں،میلسی، خانیوال، شجاع آباد، قادرپور سےکارکنان کی آمد کا سلسلہ جاری ہے،جلسے میں شرکت کے لیے لودھراں سے بھی خواتین کارکنان کی بڑی تعداد جارہی ہے۔

جلسہ گاہ میں بڑی بڑی اسکرینیں نصب کردی گئیں، جہانگیرترین اور عبدالعلیم خان جلسے سے خطاب کریں گے، رہنماؤں کی آمدکیلئے ہیلی پیڈبھی بنادیاگیا۔شہرمیں پارٹی پرچموں کی بہار،قائدین کی تصاویر بھی آویزاں کردی گئیں۔ جہانیاں میں استحکام پاکستان پارٹی کا یہ پہلاجلسہ  ہے۔

جلسے کیلئے 100 فٹ چوڑا اور 40 فٹ اونچا سٹیج تیار کرلیا گیا، پنڈال میں 30 ہزار سے زائد کرسیاں بھی لگا دی گئی ہیں، استحکام پاکستان پارٹی کے چیئرمین جہانگیر خان ترین بذریعہ ہیلی کاپٹر جلسہ گاہ پہنچیں گے۔