پی ایس او نے پی آئی اے کو ڈیزل فراہم کرنے کی منظوری دے دی

کراچی: پاکستان انٹرنیشنل ایئرلائن (پی آئی اے) اور پاکستان اسٹیٹ آئل (پی ایس او) کے درمیان ایندھن سے متعلق معاملات طے پا گئے ہیں۔

ترجمان پی آئی اے کے مطابق پی ایس او اور پی آئی اے انتظامیہ کے درمیان مذاکرات ہوئے جس کے بعد آئندہ چند روز میں ایندھن کی سپلائی میں اضافہ شروع ہو جائے گا اور پروازوں کا شیڈول معمول پر آنا شروع ہو جائے گا۔

دوسری جانب رپورٹس میں بتایا گیا ہے کہ پی ایس او نے پی آئی اے کی قرض کی سہولت کو 500 ملین روپے تک بڑھا دیا ہے۔

یہ بھی بتایا گیا ہے کہ پی آئی اے کو ایندھن کی سپلائی میں اضافے سے فلائٹ آپریشن میں بہتری آئے گی۔