لاہور سے کراچی جانے والی خیبر ایکسپریس حادثے سے بال بال بچ گئی

لاہور: لاہور سے کراچی جانے والی خیبر میل ایکسپریس حادثے سے بال بال بچ گئی۔

تفصیلات کے مطابق ریلوے حکام نے بتایا کہ خیبر میل ایکسپریس لاہور سے کراچی جارہی تھی اور ساہیوال پہنچی تو اس کی ایک بوگی کے پہیوں سے دھواں نکلنا شروع ہوگیا۔

ریلوے حکام نے بتایا کہ معائنہ کے دوران انہیں پتہ چلا کہ خیبر میل کی ایک بوگی کے پہیے جام ہیں۔ متاثرہ بوگی کو الگ کر کے ٹرین کو دوبارہ سفر شروع کرنے کے لیے کراچی روانہ کر دیا گیا۔