سینیٹ انتخابات کیلئے تحریک انصاف اور ن لیگ کا جوڑ توڑ شروع

ذرائع کے مطابق پنجاب میں سینٹ کی 11 نشستوں پر انتخابات ہوں گے۔جس کے لیے پنجاب میں حکمران اتحاد اور اپوزیشن میں کانٹے دار جوڑ پڑنے کا امکان ہے۔ حکمران اتحاد اور ن لیگ نے اپنے اپنے امیدواروں کی جیت یقینی بنانے کے لیے جوڑ توڑ شروع کر دیا۔

ذرائع نے بتایا کہ مسلم لیگ ن کل پی ڈی ایم کے سربراہی اجلاس میں سینیٹ کا انتخاب مشترکہ طور پر لڑنے کی تجویز دے گی۔پنجاب میں پیپلز پارٹی کے پاس 7 نشستیں ہیں۔ن لیگ پنجاب میں پیپلز پارٹی کی حمایت مانگے گی۔

دوسری جانب کے پی کے اسمبلی میں پی ڈی ایم اتحاد کی 41 نشستیں ہیں۔ن لیگ کے پی کے میں پارٹی کے ممکنہ امیدوار پیر صابر شاہ کے لیے اے این پی۔جے یو آئی اور دیگر جماعتوں سے حمایت مانگے گی۔ بدلے میں ن لیگ بلوچستان میں جمعیت علمائے اسلام کے امیدوار کی حمایت کرے گی۔بلوچستان اسمبلی میں اپوزیشن اتحاد کے  22 ارکان ہیں۔

ذرائع نے مزید کہا کہ ن لیگ کی تجویز کو آصف علی زرداری اور دیگر جماعتوں کی بھی حمایت حاصل، مسلم لیگ ن کی تجویز کی منظوری کے بعد پی ڈی ایم  سینٹ انتخابات مشترکہ طور پر لڑے گی۔