غزہ میں اسرائیلی بربریت پر سلامتی کونسل کا جلاس طلب

غزہ میں اسرائیل کی بڑی کارروائی پر غور کیلئے اقوام متحدہ کی سلامتی کونسل کا اجلاس آج ہوگا ۔

کونسل غزہ میں بدترین انسانی صورتحال پر غور کرے گی ۔

مزید برآن غزہ شہر میں القدس ہسپتال کے قریب اسرائیلی حملوں میں اضافہ ہوا ہے ۔

بین الاقوامی میڈیا کے مطابق ہسپتال کو براہ راست نشانہ نہیں بنایاگیا بلکہ احاطے کونشانہ بنایا گیا جس سے مریضوں میں خوف وہراس پیداہوگیا ۔

ادھر فلسطین کی وزارت صحت نے کہا ہے کہ آج خان یونس میں 93 افراد سمیت اسرائیلی حملوں میں سات اکتوبر سے اب تک کم سے کم آٹھ ہزار تین سو چھ افراد شہید ہوچکے ہیں ان میں تین ہزار چار سو ستاون بچے، دوہزار ایک سوچھتیس خواتین اور چار سواسی معمر افراد شامل ہیں جبکہ ایک ہزار نو سو پچاس افراد لاپتہ ہیں جن میں ایک ہزار پچاس بچے شامل ہیں۔

ادھر اسلامی تعاون تنظیم کے سیکرٹری جنرل حسین براہیم طحہ نے اسرائیلی فوج کی بڑھتی ہوئی جارحیت کی شدید مذمت کی ہے ۔

آج جد ہ میں او آئی سی سیکرٹریٹ کی جانب سے جاری کیے گئے ایک اخباری بیان میں انہوں نے اپنے مطالبے کو دھراتے ہوئے کہاکہ عالمی برادری مداخلت کرتے ہوئے فلسطینی عوام کے خلاف اسرائیل کی جارحانہ کارروائیوں کو فوری رکوائے۔