گوجرہ : مال گاڑی پٹری سے اتر گئی، ٹرینوں کی آمدورفت متاثر

گوجرہ: ٹوبہ روڈ کے قریب مال گاڑی کی ایک بوگی پٹری سے اترگئی۔

ریلوے ذرائع کے مطابق کوئلے سے بھری مال گاڑی کراچی سے لاہور جارہی تھی کہ گوجرہ میں  ٹوبہ روڈ کے قریب حادثے کا شکار ہوگئی۔

ہزارہ ایکسپریس کی بوگیاں پل کی وجہ سے الٹیں، حادثہ سیلاب متاثرہ علاقے میں ہوا: وزیر ریلوے
 
 ریلوے ذرائع کے مطابق مال گاڑی کی بوگی پٹری سے اترنے کی وجہ سے ٹرینوں کی آمد و رفت میں خلل پیدا ہوگیا۔

ذرائع کا کہنا ہےکہ مختلف اسٹیشنوں پر رحمان بابا، قراقرم ایکسپریس، پاکستان ایکسپریس اور ملت ایکسپریس کو بھی روک لیا گیا ہے۔