کراچی: ملک بھر میں پیٹرول کی قیمتوں میں مزید کمی کا امکان ہے۔ عالمی منڈی میں خام تیل کی قیمتوں میں مسلسل کمی کے باعث پاکستان میں بھی پیٹرول اور دیگر تیل کی مصنوعات سستی ہونے کا امکان ہے۔

انڈسٹری ذرائع کے مطابق عالمی منڈی میں تیل کی قیمتوں میں کمی کی وجہ سے پاکستان میں پیٹرول کی قیمت فی لیٹر 12 روپے تک کم ہونے کا تخمینہ لگایا جا رہا ہے۔ اسی طرح ڈیزل کی فی لیٹر قیمت میں بھی 12 روپے اور مٹی کے تیل کی قیمت 8 روپے تک کم ہونے کا امکان ہے۔

تاہم پیٹرولیم مصنوعات کی حتمی قیمتوں کا تعین 12 سے 14 ستمبر تک عالمی مارکیٹ میں تیل کی قیمتوں کے اتار چڑھاؤ کے بعد کیا جائے گا۔

واضح رہے کہ حکومت نے 31 اگست کو پیٹرولیم مصنوعات کی قیمتوں میں کمی کا اعلان کیا تھا۔ اس وقت پیٹرول کی قیمت میں 1.86 روپے فی لیٹر، ہائی اسپیڈ ڈیزل کی قیمت میں 3.32 روپے اور مٹی کے تیل کی قیمت میں 2.15 روپے فی لیٹر کی کمی کی گئی تھی۔ لائٹ ڈیزل آئل کی قیمت میں بھی 2.97 روپے فی لیٹر کی کمی کی گئی تھی۔

راولپنڈی : راولپنڈی کے علاقے چاکرہ میں امتیاز مارکیٹ کے قریب پولیس اور ڈاکوؤں کے درمیان فائرنگ کا تبادلہ ہوا جس کے نتیجے میں 2 ڈاکو ہلاک ہوگئے جبکہ 2 دیگر فرار ہونے میں کامیاب ہوگئے۔

پولیس کے مطابق موٹر سائیکلوں پر سوار ڈاکوؤں نے پولیس کی جانب سے رکنے کا اشارہ کرنے پر فائرنگ شروع کردی جس پر پولیس نے جوابی کارروائی کی۔ اس فائرنگ کے تبادلے میں 2 ڈاکو موقع پر ہی ہلاک ہوگئے۔

پولیس حکام نے بتایا کہ ہلاک ہونے والے ڈاکوؤں کے قبضے سے 2 پستول اور نقدی رقم برآمد ہوئی ہے۔ پولیس فرار ہونے والے ڈاکوؤں کی گرفتاری کے لیے سرگرم ہے۔

وزیراعلیٰ سندھ مراد علی شاہ نے شاہ فیصل 3 نمبر میں رہائشی عمارت کی دکانوں میں آگ لگنے کا نوٹس لے لیا۔
ترجمان وزیر اعلیٰ ہاؤس کا کہنا ہے کہ وزیراعلیٰ سندھ نے امدادی کارروائیاں تیز کرنے کی ہدایت کی اور کمشنر کراچی اور ڈی سی ملیر کو فوری جائےوقوعہ پر پہنچنے کی ہدایت جاری کی ہیں۔

ترجمان کا کہنا تھا کہ وزیراعلیٰ سندھ نے کمشنر کراچی اور ڈی سی کو امدادی کاموں کی نگرانی کا حکم دیا ہے۔

وزیر اعلیٰ نے کہا ہے کہ غیرقانونی پٹرول فروخت کرنے والوں کے خلاف قانونی کارروائی کی جائے اور غیر قانونی پٹرول کا کاروبار کرنے والوں کے خلاف کریک ڈاؤن کیا جائے۔

وزیر اعلیٰ سندھ مراد علی شاہ نے آگ پر فوری قابو پا کر رپورٹ پیش کرنے کی ہدایت کی ہے۔