اٹلی، چیمپئنز لیگ کے میچ سے قبل شائقین میں پھوٹ، 11 گرفتار

روم: اٹلی میں چیمپئنز لیگ کے میچ سے قبل فٹ بال کے شائقین میں تشدد پھوٹ پڑا جس کے نتیجے میں برلن کے 11 حامیوں کو گرفتار کر لیا گیا ہے ۔

چینی خبررساں ادارے کے مطابق نیپلز کے پولیس چیف ماریزیو ایگریکولا نے میڈیا کو بتایا کہ گزشتہ روز ایس ایس سی نیپولی اور ایف سی یونین برلن کے درمیان یورپی فٹ بال ایسوسی ایشنز کی یونین چیمپئنز لیگ کے میچ سے قبل یونین برلن کے تقریباً 300 شائقین نے نیپلز کے علاقے پیازا ڈینٹ کے ارد گرد کاروں اور سٹور فرنٹ کو نقصان پہنچایا جس پر کارروائی کرتے ہوئے 10افراد کو موقع پر گرفتار کر لیا گیا ، 1شخص کو پولیس افسر پر حملہ کرنے اور گرفتاری میں مزاحمت کرنے پر گرفتار کیا گیا۔

انہوں نے بتایا کہ جرمن شائقین کا مقصد نیپولی کے شائقین سے تصادم کی کوشش کرنا تھالیکن خوش قسمتی سے پولیس نے دونوں فریقوں کو ایک دوسرے کے سامنے آنے سے روک دیا۔انہوں نے کہا کہ نیپولی کے شائقین کی کوئی گرفتاری نہیں ہوئی