پی ٹی آئی کے ایڈیشنل سیکرٹری جنرل علی نواز اعوان کو گزشتہ رات مانسہرہ سے گرفتار

پاکستان تحریک انصاف  ایڈیشنل سیکرٹری جنرل علی نواز اعوان کو گزشتہ رات بٹل مانسہرہ سے گرفتار کرلیا گیا ہے، پی ٹی آئی نے مطالبہ کی اہے کہ انہیں فوری طور پر عدالت کے سامنے پیش کیا جائے۔

تحریک انصاف کے آفیشل ایکس (ٹویٹر) اکاؤنٹ میں دعویٰ کیا گیا ہے کہ پی ٹی آئی اسلام آباد ریجن کے صدر اور ایڈیشنل سیکرٹری جنرل علی نواز اعوان کو گزشتہ رات بٹل مانسہرہ سے اغوا کر کے نامعلوم مقام پر منتقل کر دیا گیا۔

Ali Nawaz Awan, Additional Secretary General PTI and President PTI Islamabad Region was abducted late last night from Batal, Manshera, and taken to an unknown location. We demand his immediate production before a Magistrate. The rule of law should be followed in letter and… pic.twitter.com/pi88wjaolC

— PTI (@PTIofficial) November 9, 2023

تحریک انصاف کی جانب سے مطالبہ کیا گیا ہے کہ علی نواز اعوان کو فوری طور پر مجسٹریٹ کے سامنے پیش کیا جائے، اور قانون کی حکمرانی پر من و عن عمل کیا جانا چاہئے۔

تحریک انصاف نے علی نواز اعوان کا ایک ویڈیو بیان بھی شیئر کی جس میں رہنما پی ٹی آئی کہتے نظر آرہے ہیں کہ 9 مئی کے واقعات کی پورے پاکستان نے مذمت کی ہے، لیکن تحریک انصاف کے رہنماؤں کو پہلے گرفتار کرکے جیل بھیجا گیا اور پھر انہوں نے پریس کانفرنس کرکے اس کی مذمت کی اور پارٹی چھوڑ دی یا کسی اور جماعت میں چلے گئے۔

Oath video of Ali Nawaz Awan. We ask that he is presented immediately in a court as per rules and law.

This fascism must be immediately stopped! #ظلم_کا_بدلہ_ووٹ_سے pic.twitter.com/eoMCpoUnnt

— PTI (@PTIofficial) November 9, 2023

علی نواز اعوان کا کہنا تھا کہ میں تحریک انصاف میں ہوں اور رہوں گا لیکن اگر مجھے گرفتار کرلیا جائے اور اس کے بعد میں کسی ویڈیو یا پریس کانفرنس میں نظر آؤں تو عوام سمجھ لے کہ مجھ پر دباؤ ہے اور میں جبر کے ذریعے اپنا بیان ریکارڈ کرارہا ہوں۔