عمران خان کی کی اہلیہ کے خلاف مسلم لیگ ن نے ایک نیا سلسلہ شروع کیا ہے ، وکیل چیئرمین پی ٹی آئی

تحریک انصاف کے وکیل شیر افضل مروت نے کہا ہے کہ 9 مئی کے نام پر تحریک انصاف کو سانس لینے کی اجازت نہیں ،الیکشن سر پر ہیں،تحریک انصاف کو اپنا جھنڈا اٹھانے کی اجازت نہیں۔ عمران خان کی کی اہلیہ کے خلاف مسلم لیگ ن نے ایک نیا سلسلہ شروع کیا ہے۔

انہوں نے کہا کہ آج پاکستان کے تمام چینلز پر عطا تارڑ کی پریس کانفرنس دکھائی گئی،ہمیں الیکٹرانک میڈیا پر وہ کوریج نہیں مل رہی۔ چیئرمین پی ٹی آئی عمران خان کی اجازت سے آج کی پریس کانفرنس کی جارہی ہے، عمران خان کی اہلیہ کے خلاف ایک نیا سلسلہ شروع ہوگیا ہے،میڈیا سے گزارش ہے کہ ہمارا موقف بھی سامنے رکھے ۔

شیر افضل کا کہناتھا کہ آج ہمیں معاشی ڈیفالٹ کا سامنا ہے، نواز شریف نے تین دفعہ پاکستان کے وزیر اعظم کی حثیت سے خدمات انجام دیں۔لگ بھگ چالیس سال سے نواز شریف اقتدار پر براجمان رہے۔ہم امید کر رہے تھے کہ نواز شریف ملکی سیاست میں مفاہمت کا کردار ادا کریں گے ۔نواز شریف پاکستان کی بقا اور سیاسی عدم استحکام کے لیے مفاہمت کا کردار ادا کرتے ۔

نہوں نے کہا کہ پاکستان میک اور بریک کی صورتحال پر پہنچ چکا ہے، سیاسی درجہ حرارت بہت اوپر ہے اور معاملات گالم گلوچ تک پہنچ چکے ہیں۔

ان کا کہناتھا کہ خان صاحب سے ملاقات کے بعد پیغام دے رہے ہیں کہ الیکشن کے دوران زمہ داری کا مظاہرہ ہونا چاہیے۔پاکستان تحریک انصاف کے میں ملکی سیاست کے بڑے نام شامل ہونے جارہے ہیں۔کے پی کے بلوچستان پنجاب سے اگلے ہفتے سے لوگ تحریک انصاف میں شامل ہونا شروع ہو جائیں گے۔