اسرائیلی فوج نے غزہ کے الشفا ہسپتال کو بلڈوزر ز سے مسمار کرنا شروع کردیا

غزہ: اسرائیلی فوج نے غزہ کے سب سے بڑے ہسپتال الشفا میڈکل کمپلیکس کو بلڈوزر ز سے مسمار کرنا شروع کردیا۔

فرانسیسی خبر رساں ادارے کے مطابق غزہ پٹی کی وزارت صحت نے جمعرات کو بیان میں کہا کہ اسرائیلی فوج نے غزہ کےالشفا ہسپتال کے جنوبی داخلی راستے کو بلڈوزرز سے تباہ کر دیا ہے اور بلڈوزر ہسپتال کے اندر کھڑے کر دیئے ہیں۔

اسرائیلی فوج کا کہنا ہے کہ ہسپتال کمپلیکس میں آپریشن جاری ہے۔ غزہ پٹی میں سرائیلی فوج کے آپریشنز کے سربراہ میجر جنرل یارون فنکل مین نے فوج کے ٹیلی گرام چینل پر بتایا کہ ہم الشفا ہسپتال میں آپریشن شروع کیا ہے اور ہم مسلسل آگے بڑھ رہے ہیں۔