غزہ کے شفا ہسپتال پر اسرائیلی فوجی حملہ انتہائی تشویشناک، ہسپتال میدان جنگ نہیں، اقوام متحدہ

اقوام متحدہ کے ادارہ برائے صحت (ورلڈ ہیلتھ آرگنائزیشن ) کے ڈائریکٹر جنرل ٹیڈروس ازہانوم گیبریئس نے کہا ہے کہ غزہ کے شفا ہسپتال پر اسرائیلی فوجی حملے کی خبر انتہائی تشویشناک ہے، ہسپتال میدان جنگ نہیں۔

سوشل میڈیا پلیٹ فارم ایکس پر اپنے ٹویٹ میں اسرائیلی فوجیوں کے شفاء ہسپتال پر حملے کی مذمت کرتے ہوئے انہوں نے کہا کہ ہم طبی عملے اور مریضوں کی حفاظت بارے فکر مند ہیں کیونکہ ہسپتال کے عملے کے ساتھ ان کے رابطے دوبارہ ختم ہو گئے ہیں۔

Hospitals are not battlegrounds. #Gaza pic.twitter.com/hx3OxUSVDl

— Tedros Adhanom Ghebreyesus (@DrTedros) November 15, 2023

انہوں نے کہا کہ ایک بات تو بالکل واضع ہے کہ بین الاقوامی ہیومن رائٹس کے مطابق صحت کی سہولیات، ڈاکٹرز، ایمبولینسز اور مریضوں کا تحفظ کسی بھی جنگ کی صورت میں یقینی ہونا چاہیے۔

دوسری جانب اقوام متحدہ کے انڈر سیکرٹری جنرل برائے انسانی امور اور ہنگامی امداد کوآرڈینیٹر مارٹن گریفتھس نے ایکس پر جاری پوسٹ میں کہا کہ وہ شفا ہسپتال (غزہ میں)پر فوجی حملے کی خبر سے خوفزدہ ہیں ، ہسپتال میدان جنگ نہیں ۔

انہوں نے اس بات پر زور دیا کہ نوزائیدہ بچوں، مریضوں، طبی عملے اور تمام شہریوں کے تحفظ کو دیگر تمام خدشات پر ترجیح دی جانی چاہیے۔