پاکستان غزہ کے مظلوم عوام کیلئے تمام ممکنہ امداد کی فراہمی جاری رکھے گا،طاہر اشرفی

مذہبی ہم آہنگی کے حوالے سے وزیراعظم کے خصوصی نمائندے حافظ طاہر محمود اشرفی نے کہا ہے کہ پاکستان غزہ کے مظلوم عوام کیلئے تمام ممکنہ امداد کی فراہمی جاری رکھے گا۔

آج(جمعرات) کی سہ پہر اسلام آباد میں ایک نیوز کانفرنس سے خطاب کرتے ہوئے انہوں نے کہاکہ دوہوائی جہاز امدادی سامان لیکر پہلے ہی غزہ پہنچ چکے ہیں۔

حافظ طاہر محمود اشرفی نے جو پاکستان علماء کونسل کے سربراہ بھی ہیں اسرائیل کی جانب سے فلسطینیوں پرمسلط جنگ فوراً رکوانے کی ضرورت پر زوردیا ۔

انہوں نے کہاکہ اسرائیل کو اسلحہ کی فراہمی فوری طورپر بند کی جائے اور اس کے جنگی جرائم کی فوری تحقیقات کی جائے۔