انوارلحق کاکڑ کی سعودی سفیر سے ملاقات

پاکستان میں سعودی عرب کے سفیر نواب بن سعید احمد المالکی نے بھی اسلام آباد میں نگران وزیراعظم انوار الحق کاکڑ سے ملاقات کی اور دوطرفہ تعاون پر تبادلہ خیال کیا۔

ملاقات میں نگران وزیراعظم نے عرب اور اسلامی ممالک میں تاریخی اتفاق رائے پیدا کرنے میں سعودی ولی عہد محمد بن سلمان کے کردار کی تعریف کی ہے۔

وزیر اعظم نے غزہ کی صورتحال پر مشاورت کیلئے رواں ماہ اسلامی تعاون تنظیم کے غیر معمولی سربراہ اجلاس کی میزبانی کرنے پر سعودی قیادت کو سراہا۔

انوارالحق کاکڑ نے غزہ میں تشدد کے خاتمے اور نہتے فلسطینیوں کیخلاف اسرائیل کے ظلم و بربریت کو روکنے کی غرض سے سفارتی کوششوں کیلئے پاکستان کی حمایت کااعادہ کیا۔