پی ٹی آئی رہنما شوکت یوسفزئی کو پشاور ایئر پورٹ پر روک لیا گیا

پاکستان تحریک انصاف کے رہنما اور سابق صوبائی وزیر شوکت یوسفزئی کو پشاور ایئر پورٹ پر روک لیا گیا۔

دریں اثنا شوکت یوسفزئی  نے ویڈیو بیان میں کہا ہے کہ عمرے کی ادائیگی کیلئے سعودی عرب جا رہا تھا، مجھے باچا خان ایئرپورٹ پر روک دیا گیا، بورڈنگ پاس اور کلیئرنس ملنے کے بعد کیوں روکا گیا؟ مجھ سے بورڈنگ پاس بھی لے لیا گیا۔

عمرے کیلئے سعودی عرب جارہا تھا، شوکت یوسفزئی کا ویڈیو بیان#GNN #BreakingNews #NewsUpdates #GNN_updates pic.twitter.com/OPieBg8RMU

— GNN (@gnnhdofficial) November 22, 2023

شوکت یوسفزئی کا کہنا تھا کہ ہم نے نہ تو فوج کے خلاف کبھی بات کی ہے اور نہ ہی اداروں کے خلاف کوئی بات کی ہے، صاف ستھری سیاست کی ہے کبھی دو نمر سیاست نہیں کی۔

انہوں نے مزید کہا کہ میرا نام ای سی ایل میں ہے اور نہ ہی میرے خلاف کوئی ایف آئی آر ہے، پھر بھی مجھے روک دیا گیا۔ شوکت یوسفزئی نے بتایا کہ کئی گھنٹوں تک ائیرپورٹ پر بٹھا کر پھر جانے کا کہا گیا، اس کیخلاف عدالت جا رہا ہوں۔