خواتین کے خلاف تشددکے خاتمے کیلئے کام کیا جائے ،صدر عارف علوی

صدرڈاکٹرعارف علوی نے کہاہے کہ پاکستان ایک ایسے معاشرہ کے قیام کے لئے پُرعزم ہے جہاں خواتین کسی خوف اورتشدد کے بغیرزندگی بسرکرسکیں۔

خواتین پر تشدد کے خاتمے کے آج منائے جانے والے عالمی دن پراپنے پیغام میں صدر نے کہاکہ یہ دن ہرسال اس یاددہانی کے طورپر منایاجاتاہے کہ خواتین کے خلاف تشدد ایک عالمی معاملہ ہے جوہماری اجتماعی توجہ اورلائحہ عمل کامتقاضی ہے۔

صدرنے سرکاری اداروں، سول سوسائٹی ،ذرائع ابلاغ اورعلماء کرام پرزوردیاکہ خواتین کیخلاف تشدد کے خاتمے کے لئے کام کیاجائے۔