یو اے ای نے 500 درہم کا نیا کرنسی نوٹ متعارف کردیا

متحدہ عرب امارات کے سینٹرل بینک کی جانب سے پولیمر سے تیار کردہ 500 درہم کا نیا کرنسی نوٹ متعارف کردیا ہے۔

الامارات الیوم کے مطابق نیا نوٹ قومی کرنسی کے تیسرے ایڈیشن کا حصہ ہے، نوٹ پر ریاست کی علامتی شخصیات، قابل دید ترقیاتی و ثقافتی و سیاحتی مقامات اور پائیداری کے منفرد نمونے شامل کیے ہیں۔

تماشياً مع رؤية القيادة الرشيدة، وتجسيد الدور الريادي الدولي لدولة الإمارات في العمل المناخي والمستقبل المستدام، والتي توّجت باستضافتها لمؤتمر الأطراف (كوب 28)، وتزامناً مع احتفالات الدولة باليوم الوطني الثاني والخمسين، أعلن #مصرف_الإمارات_المركزي عن إصدار ورقة نقدية جديدة من فئة… pic.twitter.com/7i1YQClok9

— Central Bank of the UAE (@centralbankuae) November 29, 2023

اماراتی سینٹرل بینک کا کہنا ہے کہ نوٹ آج سے لین دین کے لیے دستیاب ہو گا، نوٹ کی تیاری میں پولیمر کا استعمال کیا ہے، عام مادے سے زیادہ مضبوط اور پائیدار ہے۔ نوٹ میں ایک جانب ایکسپو دبئی میں ’تیرا‘ پویلین کی تصویر ہے، جو امارات کے وژن اور پائیدار ترقی میں اس کے بین الاقوامی کردار کو واضح کر رہی ہے۔

نوٹ کے دوسری جانب دبئی کے فیوچر میوزیم کی تصویر ہے، جو ماضی کو مستقبل سے جوڑنے والے فن تعمیر کا انوکھا شاہکار ہے۔ اس کےعلاوہ نوٹ کےعقبی حصے میں اماراتی ٹاورز اور برج خلیفہ ان میں سے ایک ہے، جسے 828 میٹر بلند ہونے کے باعث دنیا کا سب سے اونچا ٹاور ہونے کا اعزاز حاصل ہے۔