عالمی منڈی میں خام تیل کی قیمتوں میں کمی کا رجحان

نیویارک: اوپیک پلس کے فیصلے کے مسلسل دباؤ اور عالمی ایندھن کی طلب میں اضافے پر غیر یقینی صورتحال کے درمیان پیر کو خام تیل کی فیوچر ٹریڈنگ میں تھوڑی دیر کے لیے اضافہ ہوا تاہم اسرائیل فلسطین صورتحال کے باعث سے سپلائی میں رکاوٹ کے خطرات کے باوجود خام تیل کی قیمتیں گر گئی۔

عالمی منڈی میں برینٹ کروڈ فیوچر 0.6 فیصد، یا 49 سینٹ کم ہو کر 78.39 ڈالر فی بیرل جبکہ یو ایس ویسٹ ٹیکساس انٹرمیڈیٹ کروڈ (ڈبلیو ٹی آئی) فیوچر 0.6 فیصد، یا 42 سینٹ کی کمی سے 73.65 ڈالر فی بیرل پر آگیا۔

آئل مارکیٹ کے تجزیہ کار ادارے وانڈا انسائیٹس کے مطابق پٹرولیم برآمد کرنے والے ممالک کی تنظیم اور روس سمیت اتحادیوں کی طرف سے سپلائی میں کٹوتیوں بارے میں سرمایہ کاروں کے شکوک و شبہات پر تیل کی قیمتوں میں گزشتہ ہفتے 2فیصدسے زیادہ کمی واقع ہوئی۔اوپیک پلس نے عالمی پیداواری سرگرمیوں کی سست روی کے بارے میں تشویش کا بھی اظہار کیا ہے۔