قومی احتساب بیورو(نیب ) کسی کو بھی ہراساں نہیں کرے گا، لیفٹیننٹ جنرل (ر)نذیر احمد بٹ

قومی احتساب بیورو کے چیئرمین نذیر احمد بٹ نے اس عزم کا اعادہ کیا ہے کہ نیب کو ایک پیشہ ورانہ ادارے میں تبدیل کیا جائے گا۔

انہوں نے آج (پیر) لاہور میں ایک تقریب سے خطاب کرتے ہوئے کہا کہ نیب آنے والے ہر شخص کو ایک جائزہ فارم دیا جائے گا جس میں نیب کے عملے کے رویے اور خدمات کے حوالے سے رائے طلب کی جائے گی۔

نذیر احمد بٹ نے کہا کہ قومی احتساب بیورو کسی کو بھی ہراساں نہیں کرے گا بلکہ یہ ملک کی ترقی کیلئے تمام افراد کی مدد کرے گا۔انہوں نے کہا کہ پاکستان میں ہر دس میں سے سات افراد ہائوسنگ سکیموں کے دھوکے کا شکار ہیں۔