دنیا
اسرائیلی فوج نے مغربی کنارے دوفلسطینیوں کو شہید کر دیا
اسرائیلی فوج نے مغربی کنارے کے شمال مغربی شہر قلقیلیہ میں 2فلسطینی نوجوانوں کو شہید اور ایک نوجوان کو گرفتار کر لیا
![اسرائیلی فوج نے مغربی کنارے دوفلسطینیوں کو شہید کر دیا](/media/88164/conversions/israel-denies-ceasefire-claims-continues-bombardment-of-gaza-1280x720.jpg)
اسرائیلی فوج نے مغربی کنارے کے شمال مغربی شہر قلقیلیہ میں 2فلسطینی نوجوانوں کو شہید اور ایک نوجوان کو گرفتار کر لیا۔
چینی خبر رساں ادارے کے مطابق فلسطین کی وزارت صحت نے پیر کو بیان میں بتایا کہ ہمیں فلسطین کی شہری امور کی اتھارٹی نے آگاہ کیا کہ اسرائیلی افواج نے 2فلسطینی نوجوانوں کو شہید کر دیا ہے ۔
قلقیلیہ کے ناظم الامور سام ابو حمدہ نے اسرائیلی فوج کے ملٹر ی آپریشن کے دوران 2 نوجوانوں کی شہادت اور ایک نوجوان کی گرفتاری کی مذمت ہے۔ انہوں نے کہا کہ شہید ہونے والا ایک نوجوان سڑک عبور کر رہا تھا۔ انہوں نے کہا کہ یہ طرز عمل اسرائیل کے لیے غیر معمولی نہیں ہے، جو فلسطینیوں کے خلاف بغیر کسی وجہ اور منطق کے حملے کرتا ہے۔
کھیل
چیئرمین پی سی بی کی زیر صدارت چیمپئنز لیگ کے انتظامات سے متعلق اجلاس
چیمپئنز لیگ میں شائقین کرکٹ آخری 4 میچز کے سوا تمام میچ فری دیکھ سکیں گے، محسن نقوی
![چیئرمین پی سی بی کی زیر صدارت چیمپئنز لیگ کے انتظامات سے متعلق اجلاس](/media/116767/conversions/news-1725175596-3233-1280x720.jpg)
چیئرمین پاکستان کرکٹ بورڈ محسن نقوی کی زیر صدارت چیمپئنز لیگ کے انتظامات سے متعلق اجلاس ہوا،اجلاس میں اقبال سٹیڈیم فیصل آباد میں چیمپئنز لیگ کرانے کی تیاریوں کا جائزہ لیا گیا۔
چیئرمین پی سی بی محسن نقوی کی ہدایت پر شائقین کرکٹ آخری 4 میچز کے سوا تمام میچ فری دیکھ سکیں گے، محسن نقوی کا کہنا تھا کہ فیصل آباد کے شہری کرکٹ کے کھیل سے محبت کرتے ہیں،عرصہ دراز کے بعد فیصل آباد میں پاکستان کے بہترین کھلاڑی بڑے ٹورنامنٹ میں ان ایکشن ہوں گے۔
محسن نقوی نے کہا کہ چیمپئنز لیگ سے نا صرف ٹیلنٹ سامنے آئے گا بلکہ ڈومیسٹک کرکٹ بھی مضبوط ہو گی، چیمپئنز لیگ کی کامیابی کے لیے پوری ٹیم کو ذمہ داری سے کام کرنا ہے ، چیمپئنز لیگ کی ٹیموں کے کھلاڑیوں کے لئے فٹنس ٹیسٹ کا مرحلہ مکمل ہو گیا۔
پاکستان
شکیل خان کا خود پر لگائے کرپشن الزامات کی جوڈیشل انکوائری کرانے کا مطالبہ
الزامات سے متعلق نیب انکوائری کے لئے بھی تیار ہوں، سابق صوبائی وزیر کے پی
![شکیل خان کا خود پر لگائے کرپشن الزامات کی جوڈیشل انکوائری کرانے کا مطالبہ](/media/116766/conversions/834527_24313536-1280x720.jpg)
سابق صوبائی وزیر خیبر پختونخوا شکیل خان نے خود پر لگائے گئے کرپشن کے الزامات کا جوڈیشل انکوائری کرانے کا مطالبہ کر دیا۔
شکیل خان نے کہا کہ بدعنوانی کیلئے بنائی گئی کمیٹی گڈ نہیں بلکہ بیڈ گورننس کمیٹی ہے، مجھ پر لگائے گئے کرپشن کے الزامات کی جوڈیشل انکوائری کی جائے، الزامات سے متعلق نیب انکوائری کے لئے بھی تیار ہوں۔
انہوں نے کہا کہ 8 ستمبر جلسے تک خاموش ہوں، جلسے کے بعد اپنا موقف عوام کے سامنے رکھوں گا۔
سابق وزیر شکیل خان کا کہنا تھا کہ سابق صدر عارف علوی نےعمران خان سے جلد ملاقات کرانے کی یقین دہانی کرائی ہے، بانی پی ٹی آئی کو ملاقات میں سب بتاؤں گا۔
واضح رہے کہ خیبرپختونخوا کابینہ کے سابق رکن اور صوبائی وزیر کمیونیکیشن اینڈ ورکس شکیل احمد خان نے وزیراعلیٰ علی امین گنڈاپور پر محکمے میں مداخلت اور بیڈگورننس کے الزامات عائد کرتےہوئے اپنے عہدے سے استعفیٰ دیدیا تھا۔
دنیا
ناروے کی شہزادی نے روحانی پیشوا سے شادی کرلی
مارتھا لوئیس نے اپنے عجیب و غریب خیالات اور طرز زندگی کی وجہ سے شاہی خاندان سے کنارہ کشی اختیار کرلی تھی
![ناروے کی شہزادی نے روحانی پیشوا سے شادی کرلی](/media/116777/conversions/Princes-1280x720.jpg)
اوسلو: ناروے کی شاہی خاندان سے باغی شہزادی مارتھا لوئیس نے اپنے روحانی پیشوا ڈیرک ویریٹ سے ایک شاندار ساحلی تقریب میں شادی کرلی ہے۔ اس شادی میں 300 سے زائد مہمانوں نے شرکت کی۔
مارتھا لوئیس نے اپنے عجیب و غریب خیالات اور طرز زندگی کی وجہ سے شاہی خاندان سے کنارہ کشی اختیار کرلی تھی۔ ان کا دعویٰ ہے کہ وہ ایک روحانی شخصیت ہیں ،جنات اور فرشتوں سے باتیں کرتی ہیں۔
ان کی شادی نے نہ صرف ناروے بلکہ پوری دنیا میں کافی ہلچل مچا دی ہے۔ شہزادی کے شوہر ڈیرک ویریٹ بھی ایک خود ساختہ روحانی پیشوا ہیں جو بدروحوں اور آسمانی مخلوق کے ساتھ رابطے کا دعویٰ کرتے ہیں۔
مارتھا لوئیس نے جنات اور فرشتوں سے ہونے والی گفتگو اور اپنے روحانی سفر پر کتب بھی لکھی ہیں۔ ان کی پہلی شادی نارویجن مصنف ایری بیہن سے ہوئی تھی اور ان کی 3 بیٹیاں ہیں۔ 2016 میں ان کی طلاق ہوگئی اور ان کے سابق شوہر نے 3 سال بعد خودکشی کرلی تھی۔ جون 2020 میں انہوں نے ڈیرک ویریٹ سے منگنی کا اعلان کیا تھا۔
ڈیرک ویریٹ کا کہنا ہے کہ وہ اپنے پہلے جنم میں فرعون تھے اور مارتھا کوئیس ان کی بیوی تھیں۔
-
تجارت ایک دن پہلے
وزارت خزانہ کی جانب سے ماہانہ معاشی آؤٹ لک جاری
-
پاکستان 23 گھنٹے پہلے
ماہر معاشیات ڈاکٹر قیصر بنگالی مستعفی ہو گئے
-
تجارت ایک دن پہلے
ملک بھر میں سونے کی قیمتوں میں اضافہ
-
پاکستان ایک دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب
-
پاکستان ایک دن پہلے
قطر سے فلپائن جانے والا طیارے کی کراچی میں ہنگامی لینڈنگ
-
دنیا 2 دن پہلے
یوکرینی ایف-16 لڑاکا طیارہ گر کر تباہ، پائلٹ ہلاک
-
پاکستان 23 گھنٹے پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
پاکستان 2 دن پہلے
اڈیالہ جیل میں سپریٹنڈٹ سمیت تین نئے جیل افسران تعینات