وزیر دفاع لیفٹیننٹ جنرل(ر) انور علی حیدر سےآذربائیجان کے سفیرسے ملاقات

وزیر دفاع لیفٹیننٹ جنرل(ر) انور علی حیدر سےآذربائیجان کے سفیرخضر فرہادوف نے ملاقات کی جس میں مشترک تاریخی، ثقافتی اور مذہبی بنیادوں پر مبنی دوطرفہ برادرانہ تعلقات پر تبادلہ خیال کیا گیا۔

وزیردفاع نے معزز مہمان کا خیرمقدم کرتے ہوئے کہا کہ پاکستان آذربائیجان کو اپنے سٹرٹیجک محل وقوع، بے پناہ وسائل، ترقی پسند نقطہ نظر اور تیزی سے بڑھتی ہوئی معیشت کی وجہ سے ایک اہم ملک کے طور پر دیکھتا ہے۔ انہوں نےکہا کہ پاکستان آذربائیجان کے ساتھ دفاعی تعلقات کو بڑھانےکا خواہاں ہے۔

انہوں نے دونوں ممالک کی اعلیٰ عسکری قیادت کے درمیان مسلسل رابطوں کو سراہا۔ وزیر دفاع نے دفاعی صنعت میں مشترکہ منصوبے کے ممکنہ شعبوں میں تعاون بڑھانے کی خواہش کا اظہار کیا۔