190 ملین پاؤنڈ اسکینڈل، شریک ملزمان کے اشتہار جاری

سابق چیئرمین پی ٹی آئی عمران خان و دیگر کے خلاف 190 ملین پاؤنڈ اسکینڈل ریفرنس میں شریک ملزمان کے اشتہار جاری کردیے گئے۔

احتساب عدالت اسلام آباد کے جج محمد بشیر نے فرح گوگی، شہزاداکبر، زلفی بخاری، ضیاء المصطفیٰ اور دیگر شریک ملزمان کے اشتہار جاری کردیئے۔ فرح گوگی ، شہزاداکبر، زلفی بخاری، ضیاء المصطفیٰ کے اشتہارجوڈیشل کمپلیکس میں چسپاں کیے گئے ہیں۔

واضح رہے کہ 190 ملین پاؤنڈز اسکینڈل ریفرنس میں ملزمان کو 6 جنوری کو اشتہار کے ذریعے احتساب عدالت میں پیش کرنے کا حکم دے دیا۔۔ریفرنس میں بانی پی ٹی ائی عمران خان اور ان کی اہلیہ بشریٰ بی بی بھی نامزد ملزمہ ہیں۔

گزشتہ دنوں احتساب عدالت نے 190 ملین پاؤنڈز کیس میں شہزاد اکبر، ملک ریاض، ضیاء المصطفیٰ نسیم، زلفی بخاری، احمد علی ریاض اور فرحت شہزادی کے بھی ناقابل ضمانت وارنٹ گرفتاری جاری کیے تھے۔

دوسری طرف شہزاد اکبر کی گرفتاری کے لیے اسلام آباد پولیس کی جانب سے ایف آئی اے کو خط لکھا گیا جس کے بعد تحقیقاتی ادارے نے انٹرپول کو خط لکھا دیا۔