مردم شماری 2017 کے حتمی اعدادوشمار جاری

تفصیلات کے مطابق ادارہ شماریات کا کہنا ہے کہ پاکستان کی آبادی 20 کروڑ 76 لاکھ 84 ہزار 626 افراد پر مشتمل ہے۔کل آبادی میں 10 کروڑ 60 لاکھ 18 ہزار 220 مردوں پر مشتمل ہے، کل آبادی میں 10کروڑ 13 لاکھ 44 ہزار 632 خواتین شامل ہیں جبکہ خواجہ سراؤں کی آبادی 21 ہزار 774 ہے۔ادارہ شماریات کا کہنا ہے کہ دیہی آبادی 13 کروڑ 20 لاکھ 13 ہزار 789 افراد پر مشتمل ہے، شہری آبادی 7 کروڑ 56 لاکھ 70 ہزار 837 افراد پر مشتمل ہے۔صوبہ پنجاب کی آبادی 10 کروڑ 99 لاکھ 89 ہزار 655 ہے، سندھ کی آبادی 4 کروڑ 78 لاکھ 54 ہزار 510 افراد پر مشتمل ہے۔

ادارہ شماریات کی جانب سے جاری کردہ اعدادو شمار کے مطابق خیبرپختونخوا کی آبادی تین کروڑ 50 لاکھ 8 ہزار 920 ہے جبکہ بلوچستان کی آبادی ایک کروڑ 23 لاکھ 35 ہزار 129 ہے۔اعدادو شمار کے مطابق فاٹا کی آبادی 49 لاکھ 93 ہزار 44 افراد پر مشمتل ہے، اسلام آباد کی آبادی 20 لاکھ تین ہزار 368 ہے۔