روس کا غزہ میں شہریوں کی شہادت پر سخت ردعمل

غیر ملکی خبر رساں ادارے کے مطابق  روس نے غزہ میں مزید شہریوں کی شہادت کو ناقابلِ قبول قراردیدیا ہے۔

روس کے وزارت خارجہ نے کہا کہ ایک سینئر روسی عہدے دار نے بدھ کے روز اسرائیل کے سفیر کو خبردار  کیا تھا کہ غزہ میں شہری ہلاکتوں میں مزید اضافے کا سبب بننے والی کارروائیوں کو ناقابل قبول  ہیں۔

غیر ملکی میڈیا کے مطابق  غزہ میں صیہونی فورسز کی کاروائیاں جاریں ہیں ،  تازہ کاروائی میں ایک خاندان کے تین افراد شہیدہوگئے۔ جبکہ  صیہونی فورسز کی بمباری سے ایک صحافی بھی  شہید ہوگیا ہے۔

دوسری جانب  اسرائیلی وزیراعظم نیتن یاہو نے  بین الاقوامی کمیونٹی کی جنگ بندی کی درخواستیں نظر انداز کرتے ہوئےایک بارپھرحملے جاری رکھنے کااعلان کردیا ہے۔

واضح رہے کہ غزہ میں   اسرائیل کی جانب سے بمباری  جاری ہے اوراب تک   220 فلسطینی شہید   ہوچکے ہیں ۔فلسطینی مظاہرین اور اسرائیلی فوج کے درمیان منگل کو بھی جھڑپیں ہوئیں۔اس دوران اسرائیلی فوجیوں کی فائرنگ سے کئی افراد زخمی ہوئے۔شہدا میں 63 فلسطینی بچے  بھی شامل ہیں۔جبکہ سیکڑوں عمارتیں بھی اب ملبے میں تبدیل ہوکر بربریت اور ظلم کی داستان بیان کررہی ہیں ۔

دوسری جانب فلسطین بحران پر سلامتی کونسل کا چوتھا ہنگامی اجلاس بھی بے نتیجہ ختم ہوگیا۔اجلاس ایک گھنٹے سے بھی کم وقت جاری رہا اور کوئی مشترکہ اعلامیہ بھی جاری نہیں کیا گیا۔فلسطینی مندوب نے مایوسی کا اظہار کرتے ہوئے کہا کہ اقوام متحدہ غزہ پٹی میں فلسطینیوں کے لیے انسانی امداد کی اپیل کرے۔