بطور پاکستانی کھلاڑی آئی پی ایل کھیلنا چاہتا ہوں : سابق فاسٹ باؤلر محمد عامر

میڈیا رپورٹ کے مطابق اپنے ایک انٹرویو کے دوران محمد عامر نے انگلینڈ کی نمائندگی کرنے کی افواہوں کی سختی سے تردید کرتے ہوئے کہا کہ میں نے پاکستان کرکٹ چھوڑ دی ہے اور میں کسی دوسرے ملک کی نمائندگی نہیں کروں گا۔ انہوں نے کہا کہ مجھے نہیں معلوم کہ لوگ ایسی افواہیں کیسے پھیلا دیتے ہیں، انہیں کون یہ بتاتا ہے کہ میں کل ہی انڈین پریمیئر لیگ کھیلنے کیلئے جارہا ہوں اور یہ کیسے ممکن ہو سکتا ہے ۔ اس قسم کا کچھ نہیں ہو رہا۔

محمد عامر نے کہا کہ میری اہلیہ انگلینڈ سے ہیں اس لئے میرے پاس وہاں کا ریزیڈنس کارڈ ہے ۔ اگر آپ ماضی میں دیکھیں تو کھلاڑیوں کے پاس برطانیہ کا پاسپورٹ تھا۔ انہوں نے کہا کہ پتہ نہیں لوگ مجھ سے پاسپورٹ کیوں نکلوانا چاہ رہے ہیں، میرے پاس صرف رہائشی کارڈ ہے اور اگر مجھے برطانوی پاسپورٹ مل بھی جائے تو یہ میرا حق ہے کیونکہ میری اہلیہ اور بچے برطانوی ہیں۔

 ان کا کہنا تھا کہ انہوں نے انٹرنیشنل کرکٹ سے ریٹائرمنٹ لے لی ہے۔ ریٹارمنٹ کا فیصلہ شوق سے نہیں لیا تھا ، اور نہ ہی ابھی ریٹارمنٹ واپس لینے کا ارادہ ہے۔ مگر وہ دنیا کی مختلف فرنچائز اور ٹی 20 لیگز میں کھیلیں گے ، انہوں نے کہاکہ وہ اس وقت آئی پی ایل میں حصہ نہیں لے سکتے مگر مستقبل میں کھیلنےسے انکار بھی نہیں کریں گے ۔ دعا ہے کہ پاکستان اور بھارت کت تعلقات بہتر ہو جائیں ، تعلقات بہتر ہوئے تو  آئی پی ایل کھیل سکوں گا۔بطور پاکستانی کھلاڑی آئی پی ایل کاارادہ رکھتا ہوں۔